Join our Community
Interest:
Language:
Also available in: English

’n Oorspronklike benadering tot verftegnieke – omskep meubels, vloere, mure, self 'n hele badkamer!

Of dit ou, tweedehandse meubelstukke is wat vernuwe moet word, of ’n moderne stuk wat smag na ’n sagte, verouderde gevoel, hierdie boek wys jou hoe om ’n ou klavier, staalrakke, sementvloere, tafels en stoele, ’n vaal ingeboude kas, baksteenmuur, trappe en selfs ’n hele badkamer met ’n oorspronklike benadering tot verftegnieke in kunswerke te omskep. Die skrywer skop af met basiese inligting oor hoe om kleur en die effek daarvan op jou en die omge­wing waarin jy leef te verstaan, gevolg deur ’n beskrywing van die gereedskap en produkte wat jy vir die verskillende tegnieke en projekte nodig het.

Duidelike stap-vir-stap foto’s en aanwysings toon hoe om die verskillende tegnieke soos kleurwas, laagwerk, verwering, ombré, vergulding, stensilwerk, sleeptegniek, houtgrein en nog vele meer op enige oppervlak in jou huis toe te pas.

Meer as 40 inspirerende projekte gaan gepaard met pragtige foto’s van die eindresultaat, maklike aanwysings en wenke om te verseker dat jy ook unieke en ongewone stukke kan skep. Hierdie boek bied die perfekte inspirasie om ’n verf­kwas op te tel en nuwe lewe aan jou tuiste te gee. So waarvoor wag jy? Gaan verf!